Galataaf dhaabbanne baraat lakka'amaa
Sirraa nun fageessu haalotni gonkummaa
Hirireerraa kunoo har'as oqubaadhaaf
Ililleen guutamnee waa’ee olmaa keetif

Kunoo jajjaabanne afuuraa keetiini
Gochaa kee himuudhaaf kaane tokkummaanni
Tellaatti hin deebinu si qabannee gooftaa
Moo’ichaan darbinaa dorsisaa diinotaa

Dagagnee bal’annee Roohoboot taanerraa
Akka jechaa keettis addunyaa guunerraa
Afaan keenya guute galanni faaruunni
Maqaa kee leelisna barummaa baraanni

Tuqee nu kakasse waa’ee kee Waaqayyoo
Kannee dhugaa bannee waa’ee qaraniyyoo
Homtuu nun dhabsisuu faarfachuu maqaa kee
Gooftaa sin lallaabna qabannee karaa kee

Rakkinaafi qorumsii sirraa addaa nun baasu
Afuuraa nuuf laatte isaa nuu jaabessuu
Baraa keenya hundaa si wajjin jiraanna
Arjummaa kee hin dhumnee dhalootat dubbanna