Oolmaa kee gaafasii, keessi koo hin dagatu,
Si dhisee sammuun koo boqonnaa hin argatu.
Hunda madaaleera, haala darbe ilaalee —
Eenyumaan mararaa, Abbaa koo sin malee.

Situ naa dabarsee, dachaa du'aa keessa,
Aduunis nan gubnee, naaf taate gaddisa.
Ofteella hin ilaalu, lammata deebi’ee —
Lafee koo ijaare, dhiigni kee lola’ee.

Na mararsifattaa, ormaaf nan amantu,
Dadhabbina kootiin, Si’ii kan na baatu.
Ururfameen rafaa, an qoma kee irratti —
Tola kee naaf taate, sooraa lubbuu kooti.

Barruu kee irra nyaadheen, harkaa keerraa rafa,
Sassaba hundumaa, situ namatti hafa.
Qabsoon hin hirmaatin, duulan injifaadhe —
Bilisaa baasa koo, an Sittan baqadhee, ani Sinan boqodhee.

Madaan ganda firaa, hin fayyuum salphaatti,
Sammuun godanisaa, darbaam dhalootatti.
Dirraa kee yoon arguu, madaalliin koon hir’isa —
Si ilaaleen obsaa, hunda Sinan dhiisa.

Eenyumaan mararaa, Antee koo sin malee,
Eenyumaan mararaa, Gooftaa koo sin malee,
Eenyumaan mararaa, Mootii koo sin malee,
Eenyumaan mararaa, Iyyesuus sin malee.