Sinboon Guutamtee
Simboon guutamte haadha garraamii
Ati nu hin dagatin dubroo Maariyaamii
Deesse nuuf laatte qoricha keenya
Isaan raawwatee fayyinni keenya
Samiirraa gadi bu'ee yaa dubroo gara keetti
Gammachuu kan sitti hime Waaqa bira ergameeti
Kuno Ilma ni deessa innis Amaanu'eeli
Jedhee si gammachisee ergamaan Gabri'eeli
Qoricha lubbuu keenyaa deesse kan nuyif laatte
Ilmi Waaqa Iyyesuus dubroo sirraa dhalate
Sababa Hewaaniitiin gannatni kan cufame
Yaa Maariyaam giifti koo karaa kee nuuf baname
Simboodhaan kan guutamte ati ayyaana qabeettii
Abdiin keenya siidha yaa dubroo qulqulleettii
Karaa kee nuuf argame nyaatni jireenya keenyaa
Ilma keetiin arganne nuti hundumtuu naageenya
Qulqullummaa keetini ati kan filaatamte
Abbaan samiirra taa'ee dubroo kan si jaallate
Anis garbittisaati jette akka dubbatte
Isatu si filaate kanaaf kan kabajamte
