Taaboritti ulfina guddaan Gooftaan mul'ate (2)

Museen ni du'e du'aa kaafame
Raajichi Eeliyaas samii ergame
Yaa’iqoob Pheexiros bartoota keessaa
Yohaannis wajjin argan humnasaa

Qaqawweessani dacheen raafamte
Humna waaqummaa irra buufate
Surraa Goofticha hunduu uffate
Akka biiftuudhaa ifee mul'ate

Pheexiros gammachuun Gooftaa kadhate
As jiraachuuni nuuf ta'a jedhee
Museef Eeliyaas ta'u hubatee
Wajjin jiraachuuf Gooftaa gaafate

Duumessa keessaan sagaleen dhufe
Kunoo ilmi koo innin jaalladhe
Jedhee dubbate Abbaan samiirraa
Nutis waan gaarii dhageenyee jirra

Guca qabannee kottaa in simanna
Taabor irratti baane jajanna
Hojiinsaa adda du'aa kan kaase
Warra jira wajjin tokko taasise